د کانونو او پټرولیم وزارت او ازبکستان هېواد ترمنځ د همکاریو هوکړه لیک لاسلیک شو
د هایدرو کاربن، اوسپنې او مسو په برخو کې د دوه اړخیزو همکاریو هوکړه لیک د افغانستان د کانونو او پټرولیم وزارت سرپرست الحاج ملا هدایت الله بدري او د ازبکستان د کانونو، صنایعو او جیولوجي وزیرله لوري په داسې حال کې چې د ریاست الوزرا اقتصادي مرستیال او د ازبکستان لومړی وزیر هم ګډون کړی و لاسلیک شو.
د تړون له مخې، د افغان-تاجک د نفتو او ګازو د زېرمو، د زابل ولایت د کندلان د مسو، د میدان وردګ او بامیانو خویش د اوسپنې کان سروې او اکتشافي مطالعات به په راتلونکو دوو کلونو کې د دواړو خواوو په همکارۍ ترسره شي.
