د ننګر هار ولایت د نفرایټو داوطلبي ترڅنګ د کونړ ولایت 5 سیمو نفرایټو باندې بحث

د ننګرهار ولایت د یوې سیمې نفرايټو داوطلبي او د کونړ ولایت د 5 سیمو نفرایټو باندې بحث او خبرې وشوې، یاد کانونو چې مخکې د رویالیټي په اساس اعلان ته سپارل شوي و، اوس یې له اسلامي امارت سره په مشارکت تړونونه وشول.
د کانونو او پټرولیم وزارت سرپرست شیخ الحدیث شهاب الدین دلاور یاد کانونه د پلان او پالیسي مرستیال شیخ ضیاءالرحمن الاریوبي، یو شمېر رئیسانو، ټاکلي پلاوي، داوطلبو شرکتونو استازو او ر سنیو په ګډون د یوې رڼې پروسې په ترڅ کې یې داوطلبي ترسره شوه.
په دغه داوطلبي کې د ننګرهار ولایت دکامې ولسوالۍ د میرزاخېلو د نفرایټو کان د پیتراراک د کانونو د استخراج شرکت چې 91.5 سلنه به امارت ته او 8.5 سلنه به د شرکت وي ګټونکی شو.
او د بحثونو په ترڅ کې لعل پاچا نوید احمدزی د کانونو د استخراج شرکت چې 72 سلنه به اسلامي امارت ته او 28 سلنه به د شرکت وي دکونړ د چنچن ناو اول سیمې نفرایټو ګتونکی شو.
د خاور ننګر هار دکانونو د استخراج شرکت چې 88 سلنه به اسلامي امارت او 12 سلنه به د شرکت وي د کونړ ولایت د خاص کونړ ولسوالۍ کوزچنچین اول سیمې نفرایټو ګټونکی شو.
د یاسر اکبر د کانونو د استخراج شرکت چې 41 سلنه به اسلامي امارت ته او 59 سلنه به د شرکت وي د کونړ ولایت د خاص کونړ ولسوالۍ د دویم ناو د چنچین سیمې نفرایټو ګټونکی شو.
د ګلزار ځډراڼ د کانونو استخراج شرکت چې 67 سلنه به اسلامي امارت ته او 33 سلنه به د شرکت وي، د کونړ ولایت د خاص کونړ ولسوالۍ د کلاول سیمې نفرایټو ګتونکی شو.
د یادونې وړ ده چې یاد کانونه د پنځو کلونو لپاره په قرارداد ورکړل شو او په دې سره به ګڼ شمېر هېودوالو ته د کار زمینه برابره شي.
همدا راز د کانونو او پټرولیم وزارت سرپرست د یادو کانونو په برخه کې د کار پر چټکتیا او روڼتیا ټینګار وکړ.