د لوګر د مس عینک کان د استخراج نوې طرحې د څېړنې په موخه بین الوزارتي غونډه ترسره شوه
د بین الوزارتي کمېټې غونډه د کانونو او پټرولیم وزارت سرپرست شیخ الحدیث شهاب الدین دلاور، د صنعت او سوداګرۍ وزارت سرپرست ښاغلی نورالدین عزیزي، د افغانستان بانک رئیس ښاغلی هدایت الله بدري، د ا طلاعاتو او کلتور وزارت د هنر او کلتور مرستیال مولوي عتیق الله عزیزي په ګډون د مس عینک کان د استخراج په موخه د کانونو او پټرولیم وزارت کې ترسره شوه.
په دغه غونډه کې د مس عینک کان قرار دادي مسئولینو له خوا د نوې طرحې، د یادې پروژې د استخراج څرنګوالي په اړه د پرزنټېشن له لارې معلومات وړاندې کړل.
ورپسې د کمېټې غړو د یادې طرحې په اړه بحث او نظرونه شریک کړل.
