د کانونو او پټرولیم وزارت او د کابل پولي تخنیک پوهنتون ریاست د همکاریو دوه اړخیزه ناسته
د کانونو او پټرولیم وزارت تخنیکي مرستیال انجنیر وحیدالله حلیمي د کابل پولي تخنیک پوهنتون له رئيس پوهاند عبدالرشید اقبال سره دیو شمېر رئیسانو په شتون کې د سه شنبې په ورځ د 11/7/1402 نېټې په خپل کاري دفتر کې ولیدل.
یاده ناسته د کابل پولي تخنیک پوهنتون د رئیس په غوښتنه چې پکې د کانونو او پټرولیم وزارت او کابل پولي تخنیک پوهنتون تر منځ د همکاريو او همغږۍ په موخه د جیولوجي محصلینو د عملي کار او ظرفیت لوړونې په برخه کې د همکارۍ غوښتنه وکړه او په یادو مواردو یې بحث او نظرونه شریک کړل.
د تخنیکي مرستیال له لوري د مالي امکاناتو په نظرکې نیولو سره د کابل پولي تخنیک پوهنتون دوه تنه محصلینو اعاشه، مصارف او استوګن ځای او د عملي کار په موخه کوچنیو کانونو ته علمي سفر په برخه کې ورسره د همکاریو ژمنه وکړه.
همدارنګه د کانونو او پټرولیم وزارت له لوري غوښتنه وشوه، چې د کابل پولي تخنیک پوهنتون ریاست دې د ماسټري برنامې جوړول، د کانونو د انجنیرانو تعليمي سطحې لوړولو د کانونو داستخرج، جامد ګټور موادو په برخه کې دې د زده کړو زمینه ورته برابره شي.
