د کانونو او پټرولیم وزارت سرپرست د میدان وردګ ولایت له والي او سایر د کانونو د استخراج پروسس شرکت له رئیس سره ولیدل

د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ د 2/7/1402 نېټې د میدان وردګو ولایت له والي ښاغلي قاري بختیارمعاذ او سایر د کانونو د استخراج او پروسس شرکت له رئیس حیات خان یعقوبي سره په خپل کاري دفتر کې ولیدل.

په دغه لیدنه کې د بېلابېلو موضوعاتو ترڅنګ په ځانګړې توګه د کانونو په قراردادونو او خلکو ته د کاري فرصتونه برابرولو باندې یې بحث او نظرونه شریک کړل.

د میدان وردګ ولایت والي د طبیعي زېرمو د مدیریت په برخه کې د کانونو او پټرولیم وزارت هڅې وستایلې او ټینګار یې وکړ چې دیاد ولایت خلکو ته د اقتصادي پراختیا او اسانتیاو برابرولو په برخه کې لا ډېر کارته اړتیا ده په یاده برخه کې سایر د کانونو د استخراج او پروسس شرکت رئیس غوښتنه وکړه چې دبادام د کرومایټ ډبرو کان په قرارداد ونیسي.

او همدارنګه وویل: "چې د کان له قرارداد نه بغیر د یاد ولایت خلکو ته وړیا خدمتونه ترسره کوم، چې پکې د کان په سیمه کې د اوبو بند چې 10 زره هکټاره ځمکه خړوبوي، 100000 سل زره میوه لرونکي اوبې میوې ونې او سلو یتیمانو ته یتیم خونې جوړول شامل دي".

 د کانونو او پټرولیم وزارت سرپرست د شرکت د رئیس نظرونه او غوښتنې وستایلې او زیاته یي کړه: د کانونو او پټرولیم وزارت د کانونو قراردادو نه د یاد وزارت د طرزالعمل مطابق ورکوي.

د کانونو او پټرولیم وزارت سرپرست د میدان وردګو ولایت والي ته ډاډ ورکړ، چې د شته امکاناتو په صورت کې به د یاد ولایت د خلکو ستونزو ته رسېدنه وشي.