د کابل ولایت د علماوو شورا رئیس سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست شیخ الحدیث شهاب الدین دلاور نن شنبه د ۳/۴/۱۴۰۲ نېټې د کابل ولایت علماوو شورا له رئیس شیخ الحدیث خلیفه صاحب دین محمد او له مل پلاوي سره په خپل کاري دفتر کې ولیدل.
د کانونو او پټرولیم وزارت سرپرست شیخ الحدیث شهاب الدین دلاور د کابل د علماوو شورا رئیس شیخ الحدیث خلیفه صاحب دین محمد راتګ ته هر کلی وویل. دواړو لورو د ا.ا.ا په پرمختګ او بریالیتوب په ځانګړې توګه د کانونو او پټرولیم وزارت د کړنو د هېواد د طبیعي زېرمو د ښه مدیریت او ګټې اخیستنې او د یاد وزارت د عوایدو لوړوالي په اړه خبرې وکړې.
همدارنګه د کانونو او پټرولیم وزارت سرپرست د لویو او کوچنیو کانونو د قراردادونو د روڼتیا، د داوطلبۍ پروسې د څرنګوالي، د قراردادونو د ورکړې او د هغو د پروسې په اړه معلومات وړاندې کړل او ویې ویل: د افغانستان کانونو باندې لېواله پانګوال کولی شي چې د کانونو په داوطلبۍ کې ګډون وکړي.
