د کانونو او پټرولیم وزارت تخنیکي مرستیال د کابل پولیتخنیک پوهنتون د جیولوجي او کانونو څانګې له رئیس سره وکتل.
د کانونو او پټرولیم وزارت تخنیکي معین ښاغلی انجنیر وحید الله حلیمی او د دې وزارت ځینو رئیسانو د کابل پولي تخنیک پوهنتون رئیس ښاغلی پوهنوال عبدالرشید اقبال او د جیولوجي او کانونو پوهنځي له مسولینو سره د دواړو خواوو تر منځ د همکاریو د پیاوړتیا او پراختیا او همدا رنګه د اکاډمیکو نهادونو او سکټور تر منځ د همغږۍ را منځته کیدو په موخه د کابل پولي تخنیک پوهنتون کې ناسته وکړه. د کانونو او پټرولیم وزارت ژمن دی چې د کابل پولي تخنیک پوهنتون محترمو استادانو او زده کړیالانو ته د عملي کارونو زمینه برابره کړی ترڅو د یادو ادارو په چارو کې د دواړو خواوو له علمي او عملي تجاربو څخه موثره استفاده وشي.
دواړو خواوو ژمنه وکړه چې داسې ناستو ته به دوام ورکوي ترڅو د اکاډمیکو نهادونو او سکټور تر منځ شته واټن له منځه لاړ شي او وکولای شو د کانونو او پټرولیم سکټور د اکاډمیکو نظریو او میتودونو په رڼا کې لا ښه مدیریت وکړو
