د افغانستان د سوداګرۍ او پانګونې خونې له سرپرست سره د کانونو او پټرولیم وزارت سرپرست ناسته
د ا.ا.ا د کانونو او پټرولیم وزارت سرپرست شېخ الحدیث شهاب الدین دلاور د پالیسۍ او برنامو مرستیال ښاغلي شېخ ضياءالرحمن الاریوبي په ګډون د افغانستان د سوداګرۍ او پانګونې خونې له سرپرست او لومړي مرستیال الحاج محمد یونیس مهمند، د کندهار د پانګونې خونې الحاج محمد صدیق مهمند، مل پلاوي او یو شمېر پانګوالو سره په خپل کاري دفتر کې وکتل.
په دغه لیدنه کې د هیواد په کانونو د پانګونې په بېلابېلو موضوعاتو خبرې اترې وشوې.
د افغانستان د سوداګرۍ او پانګونې خونې سرپرست د وزارت له مشرتابه څخه د پانګوالو د ستونزو د حل لپاره مننه وکړه
د کانونو او پټرولیم وزارت سرپرست د دوی د ستونزو او وړاندیزونو د اورېدو پرمهال: چې د کانونو او پټرولیم وزارت په هېواد کې له ټولو پانګوالو ملاتړ او د دوی د ستونزو د حل لپاره هڅې کوي.
همداراز یې زیاته کړه چې په افغانستان کې له وروستیو سیاسي بدلونونو سره له نېکه مرغه په ټولیزه توګه امنیت تامین شوی او ټول پانګوال دې ته هڅوم او بلنه ورته وکوم چې د افغانستان په کانونو کې د پانګونې ښه فرصتونه برابر شوي دي پانګونه وکړئ.
