د کابل، پکتیا، غزني او بادغیس ولایتونو د پنځو سیمو کانونو داوطلبي
![Ff](/sites/default/files/2022-09/img-20220922-wa0003.jpg)
د کانونو او پټرولیم وزارت د کابل ولایت د انجیرک سميې 6 بلاک مرمر، د پکتیا ولایت د سرګل سیمې تالک او سرپنتین، د غزني ولایت کوراله سیمې مرمر ډبرو او د بادغیس ولایت د کوه بابا زنګي سیمې د ګچ ډبرو داوطلبي مخکې اعلان ته سپارلي وو نن پنجشنبه 31/6/1401 نېټې د وزارت د غونډو په تالار کې داوطلبی تر سره شوه.
د داوطلبۍ غونډه د تخنیکي مرستیال ښاغلي انجینیر وحیدالله حلیمي، د مالي او اداري مرستیال مولوي حسام الدین صابری، د پالیسي مرستیال شېخ ضیاء الرحمن اریوبي، د جیولوجي سروې مرستیال ښاغلی نورالله ستانکزی، موظف هيئت او د 14 هغو شرکتونو په شتون کې چې د پروپوزلونو په ارزونه کې د داوطلبۍ شرایط پوره کړي وو په شفافه توګه تر سره کړه.
په دغه داوطلبۍ کې د پکتیا ولایت د سرګل سیمې د سرپنتین کان د ممتاز ایازلمیټډ شرکت د رویالټي په قيمت سره في ټن 24000 افغانۍ، د کابل ولایت انجیرک سیمې د مرمرو 6 بلاک د افغان لایت ستون شرکت د رویالټي په قیمت سره في ټڼ 600 افغانۍ، د پکتیا ولایت سرګل سیمې تالک د استخراج معدن کریم وردک شرکت د رویالیټي قیمت سره في ټن 1500 افغانیو، د غزني ولایت کوراله سیمې مرمر ډبرو استخراج و پروسس معدن قیمتي و نیمه قیمتی شرکت د رویالټي په قیمت سره في ټن 450 افغانۍ او د بادغیس ولایت کوه بابا زنګي سیمې د ګچ ډبرو د استخراج معدن حبیب خلیل شرکت د رویالیټي قیمت سره في ټن 315 افغانۍ ګټونکي اعلان کړل.