د ایران هیواد د احیای سپاهان شرکت له مدیر عامل سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست شیخ الحدیث شهاب الدین دلاور د چهارشنبې په ورځ 11/3/1401 نېټه د ایران د احیای سپاهان شرکت له مدیر عامل انجنیر قاسمي سره په خپل کاري دفتر کې وکتل او دوه اړخیزو همکاریو په اړه خبرې اترې وکړې.
د کانونو او پټرولیم وزارت سرپرست ښاغلي قاسمي او ورسره پلاوي ته د ښه راغلاست ترڅنګ وویل: چې ایران او افغانستان له یو بل سره ګډه پوله او تاریخي او دوستانه اړیکې لري. او همدارنګه زموږ موخه له نړۍ په ځانګړې توګه له ګاونډیو هېوادونو سره د کانونو په برخه کې د اقتصادي همکاریو پیاوړتیا ده. 
ښاغلي قاسمي همدغه راز د کانونو او پټرولیم وزارت له میلمه پالنې څخه د مننې ترڅنګ د افغانستان په کانونو کې د پانګونې په برخه کې خپله لېوالتیا څرګنده کړه او د کانونو په برخه کې یې د دواړو هېوادونو ترمنځ د لا زیاتو همکاریو غوښتنه وکړه، چې یاد وزارت د مقام له لوري یې ستاینه وشوه.