محمد هارون چخانسورِي: د کوچني مقیاس کان کېندنې پروژو ته د جوازلیکونو، د نویو پروژو د اعلان او په سکتور کې د اړین خوځښت رامنځته شي
کانونو او پټرولیم ولیم وزارت نن ورځ چې د ۱۴۰۰ هجري شمسي کال د جواز د میاشتې له ۱۲ نیټې سره سمون لري د کان کېندنې کوچنۍ مقیاس ۴۳ پروژو ته جواز لیکونه ورکړل. د کوچني مقیاس د ودانیزو موادو یادې پروژې په بادغیس، بلخ، بامیان، میدان وردګ، لغمان، ننګرهار، جوزجان، ارزګان، کابل، هرات او کندهار په ولایتونو کې موقیعیت لري.
د یادو پروژو د پلي کیدو په صورت کې به ۱۵۰۰ کسانو ته په مستقیمه او غیر مستقیمه توګه د کار زمینه مساعده شي. سربېره پردې، د یادو پروژو پانګوالو ژمنه کړي، چې پروژو د پلي کیدو په ترڅ کې به شاوخوا ۳.۱ میلیارده افغانۍ پانګوونه وکړي، چې له یادو پروژو څخه به د دولت خزانې ته ۴۵ میلیونه افغانۍ کلني عواید را ټول شي.
یاده غونډه چې نن ورځ وروسته له غرمې د کانونو او پټرولیم وزارت په تالار کې نیول شوي وه، د کانونو او پټرولیم وزیر محترم محمد هارون چخانسوري، په خپلو خبرو کې وو ویل: د کوچني مقیاس پروژو ته د جوازلیکونو په ورکړې سره به، د ودانیزو موادو په کاني سکتور کې اړین خوځښت رامنځته شي.
ښاغلي چخانسوري د وزارت د برنامو او همدارنګه د ۸۵ نويو د کوچني مقیاس او ۲۳ لویو کاني پروژو په اړه معلومات وړاندې کړل. په نویو پروژو کې د نیمه قیمتي، سمنټو، مسو، سره زرو، تالک، او ودانیز موادو کانونه هم راځي چې د هېواد په مختلفو ولایتو کې شتون لري.
ورپسې سخي احمد پیمان د خصوصي سکتور د استازو په نمایندګۍ د کانونو او پټرولیم وزارت له رهبرۍ څخه په یاد سکتور کې د خوځښت راوړلو له امله د مننې ترڅنګ، د کانونو د سکتور د اهمیت او په یاد سکتور کې د پانګوالو د علاقمندۍ په اړه خبرې وکړې.
د غونډې په پای کې د کوچني مقیاس پروژو پانګوالو ته د کان کېندنې جوازونه وو ویشل شول.
