محمد هارون چخانسوري: د استخراجي صنایعو په  سکتور کې د پایداره تحرک په موخه دې د خصوصي سکتور د ټولو خونو ترمنځ دې یووالی ایجاد شي

د کانونو او پټرولیم وزیر محمد هارون چخانسوري د افغانستان د سوداګریزو خونو د فدراسیون رئیس ښاغلي محمد اسماعیل غضنفر او د یاد فدراسیون او د کانونو د ملي کمېټې له غړو سره په خپل کاري دفتر کې وکتل.

په دغه غونډه کې د خصوصي سکتور پر وړاندې د شته خنډونو، د حکومت او خصوصي سکتور ترمنځ د اعتماد د فضاء د احیاء کولو، له فساد سره د مبارزې، له بېروکراسۍ څخه د مخنیوي او د تولیداتو لپاره د بازارموندنې د فرصتونو په اړه بحث او خبرې وشوې. 

د کانونو او پټرولیم وزیر محمد هارون چخانسوري وویل: د هېواد د استخراجي صنایعو په سکتور کې د تحرک د ایجادولو لپاره له خصوصي سکتور سره همغږي یو لازمي اصل دی. په دغه سکتور کې د پایداره تحرک په موخه دې د خصوصي سکتور د ټولو خونو ترمنځ یووالی ایجاد شي.