کاپیسا ولایت ته د کانونو اوپټرولیم وزارت سرپرست سفر

د کانونو او پټرولیم وزارت سرپرست شیخ الحدیث شهاب الدین دلاور او ورسر مل پلاوي د دوشنبې په ورځ د 12/4/1402 نېټې په یو رسمي سفر کاپیسا ولایت ته ولاړ.
د کانونو او پټرولیم وزارت سرپرست په دغه سفر کې د کاپيسا ولایت له والي قاري احسان الله بریال، امنیه قومندان مولوي ضیاءالحق حامد او له مشرانو سره ولیدل او پر بېلابېلو موضوعاتو په ځانګړې توګه د یاد ولایت د کانونو په اړه یې بحث او نظرونه سره شریک کړل.
د کانونو او پټرولیم وزارت سرپرست د ولایت له سیمه ایزو مسوولینو او له مشرانو سره د کاپيسا ولایت تاریخي مخینې په ځانګړې توګه د روسانو په مقابل کې د یاد ولایت د خلکو جهاد په اړه خبرې وکړې او د کاپيسا ولایت کانونو د نظارت او بررسي لپاره د والي په مشرۍ د امینه قومندانۍ استازو، استخبارتو ریاست، کرنې او مالداري، اقتصاد، اوبو او برېښنا، چاپېریال ساتنې، مستوفیت او د کانونو ریاست استازو تر منځ د کمېټې پر جوړول خبرې وکړې او زیاته یې کړه چې یاده کمېټه د کانونو د خپل سري او غیرقانوني کان کېندنې او قاچاق مخنیوی به وکړي.