کانونو او پټرولیم وزارت سرپرست ښاغلي عنایت الله مومند د صنایع استخراجي سکټور د۱۳۹۸ مالي کال ګزارشونه وارزول
کانونو او پټرولیم وزارت رهبرئ د صنایع استخراجي سکټور ۱۳۹۸ مالي کال ګزارشونه و ارزول؛ پدې غونډه کې د انکشافي او عادي بودجې د مصارفو د تفیکک او د عوایدو د راټولولو لپاره د عوایدو د تنظیم ریاست ګزارش وړاندې شو.
په انکشافي پروژو کې د وزارت د تعمیراتو د تجهیزاتو پروژې سربیره، دصنایع استخراجي سکټور د انکشاف، د پټرولیم د انکشاف پروژه، د شبرغان نه تر مزارې شریف پورې د (۹۴) کیلومټره پایپ لاین پروژه، د ټاپي پروژه ، دمس عینک پروژې بې ځایه شو دشهرک پروژه، د جیولوژي تفحصاتو د سروی او سازمیک پروژه، د تنظیم تطبیق او نظارت پروژه، د یتیم تاق جوزجان ولایت د دوه حلقو څاګانو پروژه او د آشپشته د ډبرو سکرو دتخینکي مطالعاتو پروژې په مصارفو او پرمختګونو بحث وشو.
د کانونو او پټرولیم وزارت سرپرست ښاغلي عنایت الله مومند اړونده ریاستونو ته هدایت ورکړه چې دراتلونکې کال د انکشافي او عایداتي برخې په اړه خپل کار سر له اوسه پیل کړي ترڅو د دافغانستان د صنایع استخراجي سکټور عواید لوړ شي او انکشافي پروژې په سمه توګه تطبیق شي.
