کانونو او پټرولیم وزارت سرپرستوزیر ښاغلي عنایتالله مومند د فنلنډ د سرویجیولوجي د استازو سره وکتل
د کانونو او پټرولیم وزارت سرپرستوزیر ښاغلي عنایتالله مومند د فنلنډ د سرويجیولوژی ادارې د استازو سره وکتل؛ ددې لیدنې هدف د کانونو او پټرولیم وزارت د سرویجیولوجي او د فنلنډ د سرویجیولوژي ادارې ترمنځ د همغږۍ پیاوړتیا وه؛ په ۲۰۱۱ کال کې د افغانستان سرویجیولوجي او د فنلنډ د سرویجیولوجي ترمنځ د مشترکه همکاریو سند امضا شوئ چې هدف يي جیوفزیک برخه کې د افغانستان د سروی او جیولوجي ادارې ظرفیت لوړونه ده.
د کانونو او پټرولیم وزارت سرپرستوزیر د فنلنډ هیواد د مرستو او همکاریو نه مننه وکړه او وویل «زمونږ هدف دادی چې د افغانستان د صنایع استخراجي سکټور د مختلفو برخو او په خصوص د سرویجیولوجي برخې ظرفیت د بینالمللی استانداردنو په اساس جوړ شوي؛ مونږ هڅه کوو چې زمونږ د سرویجیولوجي لابرارتوار چې په مجهزه وسایلو سمبال دئ ګټه اخیستنه دې ترې په معیاري توګه ترسره شي.
ښاغلي مومند زیاته کړه د سکټور د پراختیا لپاره زمونږ تګلاره مشخصه ده او مونږ غواړو چې زمونږ جیولوجیکي معلومات په کره توګه راټول شي او پانګونه برخه کې ترې ګټه ترې واخیستل شي.
پلاوي د کانونو او پټرولیم وزارت سرپرستوزیر عنایت الله مومند نه مننه وکړه او وویل «مونږ به د افغانستان سرویجیولوجي ادارې سره خپلو همکاریو ته داوم ورکړو؛ او هغه مشترکې پروژې چې د ظرفیت جوړونې برخه کې دي؛ د کانونو او پټرولیم وزارت سره په موثره توګه تطبیق کړو.
د یادونې وړ ده چې د فنلنډ متخصصین به د جیوفیزیک د سافتویرونو د تازه کولو سربیره د سرویجیولوجي د لابرارتوار د ځينو برخه کې د وزارت سره همکاري کوي؛ د وزارت په ګډون د فنلنډ د سرویجیولوجي ادارې په ۲۰۱۹ کال کې د پولیتخنیک پوهنتون ۲۰ تن محصلینو په عملي توګه د جیوفیزیک برخې عملي او نظري زدکړې ترلاسه کړي.
