له فرانسوي پانګوال سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست شیخ الحدیث شهاب الدین دلاور له یوتن فرانسوي پانګوال او مل پلاوي سره په خپل کاري دفتر کې ولیدل.
په دغه لیدنه کې د کانونو او پټرولیم وزارت سرپرست ورته د ښه راغلاست تر څنګ وویل: افغانستان خورا زیاتې کاني زېرمې لري اوس مهال په ټول هېواد کې سرتاسري امنیت شتون لري هر څوک کولی شي په ډاډه زړه پانګونه وکړي.
همدا راز فرانسوي پانګوال په افغانستان کې د سرتاسري امنیت په اړه خوښي څرکنده کړه د زمردو کانونو په برخه کې یې د پانګونې سربېره د لابراتوارونو د جوړولو غوښتنه وکړه.
د کانونو او پټرولیم وزارت د سرپرست له لوري يې هر کلی وشو، د پانګونې په برخه کې ورسره د لازمو همکاریو ژمنه وکړه.
