د Gochin ګوچين کمپنۍ له استازي سره د کانونو او پټروليم وزرات سرپرست

د کانونو او پټرولیم وزارت سرپرست شیخ الحدیث شهاب الدین دلاور د پنجشنبې په ورځ ۲۴/۱/۱۴۰۲ نېټې د ګوچین کمپنۍ له استازي سره په خپل کاري دفتر کې وکتل.

د يادې کمپنۍ استازي د کانونو او پټروليم وزارت له مشرتابه څخه د مننې تر څنګ د افغانستان د ليتيم په برخه کې د پانګونې غوښتنه وکړه او ويې ويل: غواړو چې د افغانستان د ليتيم په کانونو کې 10 لس ميليارده ډالره پانګونه وکړو، چې له دې سره به 120 زره تنو ته په مستقيم او تر يو ميليون نفرو پورې په غېر مستقيم ډول د کار زمينه برابره شي. 

د کانونو او پټروليم وزارت سرپرست په افغانستان کې د ليتيم د توليد په برخه کې د ياد شرکت د لېوالتيا د هرکلي په ترڅ کې وويل: د ليتيم کانونه په نړۍ کې يو له هغو کانونو څخه دی چې ډېر کم پيدا کېږي او د ټولو افغانانو سترګې د ليتيم او نورو کانونو ته دي. نو د کانونو وزارت ته په کار ده چې د هيواد ټول کانونو  د کانونو د قانون له مخې قرارداد ورکړل شي. 

په پای کې چینايي شرکت وړاندیز وکړ چې که د لیتیم کان کیندنې قرارداد دوی ته وسپارل شي، دوی به د اوو میاشتو په موده کې د سالنګ تونل ترمیم کړي او په سالنګ کې به یو بل نوی تونل جوړ کړي. او همدارنګه تاکيد وکړ چې د هغه پروسس به سل په سلو مې په افغانستان کې تر سره کېږي او د هغه د پروسس لپاره به يو د برېښنا بند به جوړه و او د نورستان لویه لاره به له کونړ څخه تر لغمان پورې جوړه وو.