د کانونو او پټرولیم وزارت سرپرست د ګلبهار شرکت له رئیس سره وکتل
د کانونو او پټرولیم وزارت سرپرست شیخ الحدیث شهاب الدین دلاور د ګلبهار شرکت له رئیس سره په کتنه کې د افغانستان د کانونو او سرتاسري امنیت په اړه خبرې وکړې ویې ویل: د ټولو ملي او نړیوالو پانګوالو چې د کاني زېرمو په برخه کې پانګونه کوي موږ یې هرکلی کوو او لازمې اسانتیاوې به ورته برابرې کړو.
په دې کتنه کې د ګلبهار شرکت رئیس په افغانستان کې د بشپړ امنیت او ثبات د رامنځته کېدو په اړه خوښي څرګنده کړه او د هېواد د نفتو او ګازو په برخه کې یې د پانګونې په موخه خپله لېوالتیا څرګنده کړه.
د کانونو او پټرولیم وزارت سرپرست د پانګونې په برخه کې د دوی د لېوالتیا هرکلی وکړ او ډاډ یې ورکړ چې د پانګونې په برخه کې به د زمینې برابرولو په موخه د کانونو د قانون او طرزالعمل مطابق همکاري وکړي.
