د کانونو او پټرولیم وزارت سرپرست د ګلبهار انوستمنټ شرکت له رئیس سره وکتل
د کانونو او پټرولیم وزارت سرپرست الحاج ملا هدایت الله بدري د سه شنبې په ورځ (17/7/1403) نېټې د ګلبهار انوستمنټ شرکت له رئیس سره په خپل کاري دفتر کې وکتل.
دیاد شرکت رئیس د هرات سمنټو کارخونې د کارونو د پرمختګ په اړه هر اړخیز معلومات وړاندې کړل، له طبیعي ګازو څخه د برېښنا کارخونې د جوړولو په برخه کې د پانګونې غوښتنه وکړه او وړاندیز شوې طرحه یې له سرپرست وزیر سره شریکه کړه.
د کانونو او پټرولیم وزارت سرپرست د دوی د لېوالتیا هرکلی وکړ ډاډ یې ورکړ، چې د کانونو د قانون او طرزالعمل له مخې د پانګونې د زمینې برابرولو کې به له دوی سره همکاري وکړي او دغه راز یې د هرات د سمنټو کارخونې د چارو پر چټکتیا ټینګار وکړ.
