د کانونو او پټرولیم وزارت سرپرست د چین هېواد د کانونو C D C استخراجي شرکت له رئیس سره ولیدل

د کانونو او پټرولیم وزارت سرپرست شیخ الحدیث شهاب الدین دلاور د چین هېواد C D C استخراجي شرکت له رئیس سره په خپل کاري دفتر کې ولیدل.
په دغه لیدنه کې دواړو لورو د افغانستان د کانونو په برخه کې د پانګونې په شته فرصتونو سرتاسري امنیت او افغانستان ته د بهرنیو کمپنیو په را جلبولو باندې بحث او نظرونه شریک کړل.
د C D C شرکت رئیس د شته فرصتونو د برابرولو او د هېواد په اوسني حالت خوښي څرګنده کړه ویې ویل: افغانستان د پانګونې په برخه کې د ښو فرصتونو په لرلو سره یو غوره هېواد دی او همدا راز یې د مسو، سرب او جستو کانونو په برخه کې د پانګونې په موخه خپله لېوالتیا څرګنده کړه.
د کانونو او پټرولیم وزارت د سرپرست له لوري هر کلی وشو او د هېواد د کانونو په برخه د پانګونې لپاره د اسانتیاوو رامنځته کولو په موخه د لازمو همکاریو ژمنه وکړه.