د کانونو او پټرولیم وزارت سرپرست د نورستان له والي سره وکتل

د کانونو او پټرولیم وزارت سرپرست شیخ الحدیث شهاب الدین دلاور د نورستان له والي ښاغلي شیخ شېراحمد حقاني او دیاد ولایت له مشرانو سره په خپل کاري دفتر کې ولیدل.
په دغه لیدنه کې د بېلابېلو موضوعاتو ترڅنګ یې د یاد ولایت د کاني زېرمو د مدیریت او لیتیم کانونو په اړه بحث او نظرونه شریک کړل.
همدا راز د نورستان والي او مشرانو خپلې ستونزې، غوښتنې، دیاد ولایت د خلکو اړتیاوې په ځانګړې توګه د سرکونو جوړول د وزارت له مشرتابه سره شریکې کړې.
په پای کې د کانونو او پټرولیم وزارت سرپرست هغوی ته ډاډ‌ ورکړ، چې د شته امکاناتو په شتون کې به د یاد ولایت د خلکو ستونزو ته رسېدنه وشي.