د کانونو او پټرولیم وزارت سرپرست د قرغزستان الاتو شرکت له رئیس سره ولیدل
د کانونو او پټرولیم وزارت سرپرست الحاج ملا هدایت الله بدري د سه شنبې په ورځ (24/7/1403) د الاتو شرکت له رئیس او د دغه هیواد د کانونو وزارت له پخواني مرستیال ښاغلي الماس بیک سره په خپل کاري دفتر کې ولیدل.
ښاغلي الماس بیک د یاد شرکت د کارونو او فعالیتونو په اړه معلومات وړاندې کړل او د هېواد په زرشویي کانونو کې د پانګونې په برخه کې یې لېوالتیا څرګنده کړه دغه راز یې په میدان وردګو ولایت کې د جستو د پروسس کارخونې د جوړېدو خبره وکړه.
د کانونو او پټرولیم وزارت سرپرست د دوی د لېوالتیا هرکلی وکړ او ژمنه یې وکړه چې د پانګونې په برخه کې به د کانونو د قانون او طرزالعمل له مخې ورسره همکاري کوي.
