د کانونو او پټرولیم وزارت سرپرست د روسیې د Door Khan کمپنۍ له رئیس سره وکتل
د کانونو او پټرولیم وزارت سرپرست الحاج ملا هدایت الله بدري د سه شنبې په ورځ، د ۱۴۰۴ کال د غبرګولي میاشتې په ۶مه نېټه، د Door Khan استخراجي کمپنۍ له رئیس او د روسیې پارلمان د نړیوالو اړیکو پخوانی رئیس خان سرګي (Khan Sergi) سره په خپل کاري دفتر کې ولیدل.
په دې لیدنه کې دواړو لورو د هېواد د کاني سرچینو په برخه کې د پانګونې د فرصتونو سربېره د بېلابېلو موضوعاتو په اړه بحث او نظرونه شریک کړل، د یادې کمپنۍ رئیس د افغانستان اسلامي امارت له خوا د پانګونې په برخه کې د مناسب چاپیریال برابرولو له کبله مننه وکړه او د جستو کانونو کې یې د پانګونې په موخه خپله لېوالتیا څرګنده کړه.
د کانونو او پټرولیم وزارت سرپرست د پانګونې په موخه د دوی د لېوالتیا مننه وکړه او ډاډ یې ورکړ، چې د کان کیندنې د قانون او کړنلارې مطابق به ورسره همکاري وکړي.
