د کانونو او پټرولیم وزارت سرپرست د جرمني هېواد له یوتن پانګوال سره ولیدل
![ss](/sites/default/files/2023-11/whatsapp_image_2023-11-15_at_3.19.28_pm.jpeg)
د کانونو او پټرولیم وزارت سرپرست شیخ الحدیث شهاب الدین دلاور په بهر کې مېشتو یو شمېر افغان متخصصینو او د جرمني هېواد له یو تن پانګوال د کنترا شرکت له رئیس سره نن ورځ په خپل کاري دفتر کې ولیدل.
په پیل کې د کنترا شرکت رئیس د لابراتوارونو په برخه کې خپلې تجربې شریکې کړې د کانونو د سکټور اړوند د مسلکي او تخنیکي زده کړو لپاره د زمینې برابرولو په اړه خبرې وکړې، چې د کانونو او پټرولیم وزارت د سرپرست له لوري یې هر کلی وشو.
ورپسې افغان متخصصینو د افغانستان په اوسني وضعیت خوښي څرګنده کړه زیاته یې کړه: د افغانستان او سني وضعیت ته په کتو او ډېرو کاني زېرمو په درلودو سره د کان کیندنې په اړه موږ او په بهر کې مېشت ټول متخصصین د مشورې ورکولو او خپلو تجربو شریکولو ته چمتویو.
ښاغلي وزیر صاحب د دوی له نظریاتو او غوښتنو مننه وکړه، له بهر څخه یې د لاډېرو متخصصینو او پانګوالو جلبولو په اړه ټېنګار وکړ او د همکاریو ژمنه یې ورسره وکړه.