د کانونو او پټرولیم وزارت سرپرست د بغلان ولایت د کانونو له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د بغلان ولایت د کانونو له رئیس سره په خپل کاري دفتر کې ولیدل.
په دغه لیدنه کې دواړو لورو د یاد ولایت د کاني زېرمو په اړه د خبرو سربېره یې د قراردادي شرکتونو او قېمتي ډبرو د ارزښت په اړه بحث او نظرونه شریک کړل، د بغلان ولایت د کانونو رئیس خپلې ستونزې او غوښتنې یې د وزارت له مشر تابه سره شریکې کړې.
د کانونو او پټرولیم وزارت سرپرست د هغوی ستونزو او غوښتنو له اورېدو څخه وروسته یې د کاني زېرمو د مدیریت، ساتنې، څارنې او روڼتیا په اړه تینګار وکړ.
په پای کې د کانونو او پټرولیم وزارت سرپرست د کاري پروسې د ښه والي او کارونو د چټکتیا په موخه لازمې لارښوونې وکړې.
