د کانونو او پټرولیم وزارت سرپرست د بادغیس ولایت له کانونو څخه لیدنه وکړه

د کانونو او پټرولیم وزارت سرپرست الحاج ملا هدایت الله بدري او مل پلاوي بادغیس ولایت ته د خپل سفر په ترڅ کې دیاد ولایت د بېلا بېلو کانونو په ځانګړې توګه د ګچو کانونو څخه لیدنه وکړه.
د کانونو او پټرولیم وزارت سرپرست د خپل سفر په لړ کې دبادغیس ولایت د کانونو د کیندنې چارې له نږدې و څارلې او تړوني شرکتونو مسوولینو ته یې د چارو په چټکتیااودروڼتیا برخه کې ځانکړې سپارښتنې وکړې دغه راز یې د کاري فرصتونو برابرولو په اړه ټینګار وکړ.