د کانونو او پټرولیم وزارت سرپرست د افچین کمپنۍ له مسئولینو سره وکتل
د کانونو او پټرولیم وزارت سرپرست شیخ الحدیث شهاب الدین دلاور د افچین کمپنۍ له مسئولینو سره په خپل کاري دفتر کې وکتل.
په دغه لیدنه د بېلا بېلو موضوعاتو سربېره یې د تېرو حسابونو پر تصفیې، راتلونکو پلانونو، د کورنیو او بهرنیو انجنیرانو او کارمندانو پرمعاشاتو، د ښه مدیریت او کنټرول په موخه د الکټرونیکي سیسټم جوړول، د زمرد سای د 56 کیلومټره سړک د جوړولو په اړه یې بحث او نظرونه شریک کړل.
پرېکړه وشوه چې د کانونو او پټرولیم وزارت، افچین کمپنۍ، د نفتو او ګازو امارتي شرکت یوه ګډه کمېټه د بهرنیو انجنیرانو د ګمارنې، په هغه صورت کې چې افغانستان کې یاد انجنیران نه وي او د تخنیکي چارو پرمخ وړلو په موخه جوړه شوه.
