د کانونو او پټرولیم وزارت سرپرست  د اوسپنې پټلۍ له عمومي ریئس سره  ولیدل

د کانونو او پټرولیم وزارت سرپرست شیخ الحدیث شهاب الدین د لاور نن شنبه 1402/4/24 نېټې د اوسپنې پټلۍ له عمومي رئیس ملا بخت الرحمن شرافت او مل پلاوي سره په خپل کاري دفتر کې ولیدل.
په دغه لیدنه کې چې د وزارت مالي او اداري مرستیال او یو شمېر رئیسانو هم ګډون درلود، دواړو لورو دفعالیتونو پر پراختیا او همدارنګه د اوسپنې پټلۍ چې له ایران څخه د هرات ښار او اندخوی، شبرغان، مزارشریف تر شیرخان بندر پورې چې له ترکمنستان او تا جکستان هېوادونو سره نښلول کېږي بحث او نظرونه سره شریک کړل.
د کانونو او پټرولیم وزارت سرپرست د اوسپنې پټلۍ چې ترکمنستان، تاجکستان او ایران هېوادنه سره نښلول کېږي وویل: دا یوه ملي پروژه ده چې له یادو هېوادنو څخه به د مالونو د لېږد  په برخه کې زیاتې اسانتیاوې را منځته کړي او همدارنګه د سرکونو جوړول او خلکو ته کاري فرصتونه برابرول او د یاد پروژې سرته رسولو کې یې د هر ډول همکارۍ ډاډ ورکړ.