د کانونو او پټرولیم وزارت سرپرت د سرپل له مرستیال والي سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د چهار شنبې په ورځ د 4/5/1402 نېټې د سرپل ولایت له مرستیال والي الحاج مولوي دام الله، د خلکو د شورا رئیس امیر محمد خیر اندیش او د سرپل ولایت له مشرانو سره په خپل کاري دفتر کې ولیدل.
د سرپل مرستیال والي او مشرانو د کانونو او پټرولیم وزارت د هیواد په ځانګړې توګه د سرپل ولایت د معدني زېرمو په برخه کې د فعالیتونه او کړنو ستاینه وکړه. او د سرکونو جوړولو په برخه کې یې د کانونو او پټرولیم وزارت د پاملرنې او د یاد ولایت د کانونو له عوایدو څخه یې د سلطان ابراهیم بند د جوړولو غوښتنه وکړه.
همدارنګه د کانونو او پټرولیم وزارت سرپرست د سرپل ولایت د کانونو د پرژو د پلي کولو په برخه کې د لازیاتې همکارۍ غوښتنه وکړه او د سرپل ولایت د سرکونو جوړولو او نورو ټولو ټولنیزو فعالیتونو په برخه کې یې د هر ډول همکارۍ ډاډ ور کړ.
