د کانونو او پټرولیم وزارت د نویو رئیسانو پېژندل

د پنجشنبې په ورځ د 11/8/1402 نېټې دوه تنه نویو رئيسانو د پېژندګلوۍ مراسم د 30/7/1402 نېټې د کانونو او پټرولیم وزارت د 76 شمېرې وړاندیز په اساس او د 9/8/1402 نېټې د ریاست الوزرا د 2046 شمېرې حکم په اساس وګمارل شول، چې د پلان او پالیسي مرستیال شیخ ضیاءالرحمن الاریوبي له لوري معرفي شول.
ددغه حکم په اساس ښاغلی مولوي عزت الله چې مخکې د نړیوالو اړیکو او ډونرانو د همغږۍ د رئیس په توګه دنده ترسره کوله د دعوت او ارشاد د رئیس په توګه او ښاغلی مولوي احمد عثماني د نړیوالو اړیکو او ډونرانو د همغږۍ د رئیس په توګه وګمارل شول.
د پلان او پالیسي مرستیال نویو رئیسانو ته په خپلوچارو کې د بریالیتوب هیله وکړه ویې ویل: د کانونو او پټرولیم وزارت یادې اداري ډېرې مهمې دي، له نویو رئیسانو څخه مو دا هیله ده، چې په رښتني توګه خپلې چارې مخته یوسي.
نویو رئيسانو د کانونو او پټرولیم وزارت د رهبري له باور څخه مننه وکړه، ژمنه یې وکړه چې د خپلو چارو مخته وړلو کې به هرډول هڅه او کوښښ وکړي، له خپلو همکارانو نه یې د هر اړخیزې همکارۍ غوښتنه وکړه.