د کانونو او پټرولیم وزارت د رهبري هیئت غونده تر سره شوه.

د کانونو او پټرولیم وزارت د چارو د چټکتیا په موخه نن پنجشنبې په ورځ د 1401/1/25 نېټه د کانونو او پټرولیم وزارت د سرپرست شیخ الحدیث شهاب الدین دلاور په مشرۍ, د سروې او جيولوجي معين انجينير نور الله ستانکزي او د ريئسانو په ګډون د ياد وزارت د غونډو په تالار کې د رهبري هیئت غونډه  تر سره شوه.
په دغه غونډ کې د کانونو او پټرولیم وزارت سرپرست د کانونو د سکتور د وضعیت د ارزونې په ترڅ کې د کانونو او پټرولیم وزارت د عوایدو د زیاتوالي په اړه خبرې تر څنګ یې خوښي یې څرګنده کړه او وویل: چې دا ټول د کارمندانو د هڅو او ښه کار له امله دی، همدارنګه د غوریانو د اوسپنې د کانونو په اړه هم لنډې خبرې وشوې او د مسؤلینو ته یې لازمې لارښوونې وشوې.
ورپسې د جیولوجي سروې د معین له خوا د سرپل ولایت د قشقري د نفتو او ګازو د قرارداد د مالي رژیم په اړه د غونډې ګډونوالو ته لنډ معلومات ورکړل شول.
ورپسې د غونډې د اجنډا له مخې اړوندو رئیسانو د غونډې په څنډه کې پر راپورته شویو موضوعاتو خبرې وکړې او  د ستونزو د وړاندې کولو تر څنګ یې خپل وړاندیزونه وړاندې کړل، چې د هرې غونډې د غړو د نظریاتو له اورېدو وروسته لازم تصمیمونه ونیول شول.
په وروستیو کې د کانونو او پټرولیم وزارت سرپرست د کړنو د ښه والي، د کار د سرعت او شفافیت په اړه مسوولینو ته لازمې لارښوونې وکړې.