د کانونو او پټرولیم وزارت اداري غونډه ترسره شوه

د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه چې پکې د مالي اواداري مرستیال مولوي حسام الدین صابري، د پلان او پالیسي مرستیال شیخ ضیاءالرحمن الاریوبي او د بېلابېلو برخو رئیسانو او امرینو ګډون کړی و د یکشنبې په ورځ د 6/8/1402 نېټې د یاد وزارت د غونډو په تالار کې ترسره شوه.
په پیل کې د کانونو او پټرولیم وزارت سرپرست د مسولیتوونو او وظیفوي مکلفیتونه د ښه ترسره کېدو په اړه ټېنګار وکړ او همدارنګه د بېلابېلو موضوعاتو ترڅنګه یې د 1402 د عادي او پراختیایي بودېجې د مصرف په اړه خبرې وکړې، چې په همدې موخه د مالي او حسابي، تدارکاتو، خدماتو او اداري ریاستونو له لوري لنډ معلومات وړاندې شول.
وروسته د تېرې غونډې په دوام اړوند موضوعاتو باندې بحث او و څېړل شو، د غونډې د ګډونوالوغوښتنې، ستونزې واورېدې د ستونزو د حل لارې په برخه کې لازمې سپارښتنې وکړې، د دعا په ویلو سره غونډه پای ته ورسېده.