د کانونو او پټرولیم وزارت اداري غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ اداري غونډه د مرستیالانو، رئیسانو او امرینو په ګډون د وزارت د غونډو په تالار کې ترسره شوه.
غونډه د قرآنکریم په مبارکو آیتونو سره پیل شوه ور پسې د کانونو او پټرولیم وزارت سرپرست د وزارت د وروستیو فعالیتونو او لاسته را وړنو په اړه خبرې وکړې او د یو شمېر ریاستونو کاري راپور ترڅنګ د هغوی غوښتنو او نظریاتو له اورېدو څخه وروسته یې لازمې لارښوونې وکړې.
په پای کې د کانونو او پټرولیم وزارت سرپرست له ګډونوالو څخه و غوښتل، چې خپل فعالیتونه او کارونه په سمه توګه ترسره کړي، هغه همدا راز د هېواد په بیا رغونه کې فعال رول او ونډه اخیستل، او د خپلو دندو په پوره اخلاص او صادقانه توګه ترسره کولو باندې ټینګار وکړ.
