د کانونو او هایدروکاربن د سکتور لپاره د معلوماتو د مدیریت د جامع سیستم د جوړولو په اړه د امریکا متحده ایالتونو د ځمکې پېژندنې د سروې ادارې (USGS) له استازو سره خبرې وشوې
نونو او پټرولیم وزارت سرپرست محمد هارون چخانسوري، نن مازدیګر د ویډیوکنفرانس له لارې د امریکا متحده ایالتونو د ځمکې پېژندنې د سروې ادارې (USGS) له استازو سره د افغانستان د کانونو او هایدروکاربن د سکتور لپاره د معلوماتو د مدیریت جامع سیستم په جوړولو کې د تخنیکي سلا مشورو په اړه خبرې وکړې.
د کانونو او پټرولیم وزارت سرپرست محمد هارون چخانسوري وویل: د کانونو او پټرولیم وزارت د امریکا متحده ایالتونو د ځمکې پېژندنې له ادارې (USGS) سره د سکتور د معلوماتو د راټولولو په برخه کې کافي کار کړی او اوس ددې اړتیا لېدل کیږي چې یاد معلومات په یوه جامع او منظم سیستم کې ځای پر ځای کړو.
د افغانستان د مختلفو منابعو معلومات، څيړنې، نقشې،سروې ګانې، دساحو کوردینات او ټول هغه مشخصات چې د استفادې وړ دي، په یاد سیسټم کې وساتل شي، او د دغو معلوماتو څخه د پانګونې د جلبولو په برخه کې موثره او شفافه ګټه واخیستل شي، ترڅو په یاد سکتور کې د پانګونې بهیر چټک شي، پانګوالو ته د معلوماتو په برخه کې اسانتیاوې ایجاد شي او معلومات په یو واحد جامع او د اعتماد وړ سیسټم کې خوندي شي.
د امریکا متحده ایالتونو د ځمکې پېژندنې د ادارې (USGS) استازو د کانونو او پټرولیم وزارت له یاد نوښت څخه هرکلی وکړ او په دغه برخه کې یې د تخنیکي همکاریو ډاډ ورکړ.
