د کارمندانو د دیني زده کړو د ازموینې پایلې اعلان شوې
د کارمندانو د د ینې زده کړو د ازموینې پایلې د کانونو او پټرولیم وزارت د دعوت او ارشاد ریاست له لوري اعلان شوې، په دغې ازموینې کې هغوکسانو ته چې لوړې نمرې یې ترلاسه کړې وې د ډالیو
په ورکړې سره وستایل شول.
په همدې موخه په جوړه شوې غونډه کې د کانونو او پټرولیم وزارت سرپرست شیخ الحدیث شهاب الدین دلاور، یو شمېررئیسانو، او کارمندانو ګډون کړی و.
غونډه د قرانکریم په مبارکو آیتونو سره پیل شوه، ورپسې د کانونو او پټرولیم وزارت سرپرست د دیني زده کړو په برخه کې د دعوت او ارشاد ریاست نه مننه وکړه دیادو زده کړو په اړه یې وویل: په دینې مجالسو کې برخه اخیستل او د دین زده کړه د دنیا او اخیرت نېمکرغي ده، هر مسلمان ته لازمه ده، چې د اسلام مبارک دین په برخه پوره وړتیا ولري، د دیني زده کړو لپاره باید یو مشخص وخت ځانګړی شي او ګټه ترې واخلو.
د غونډې په پای کې د کانونو او پټرولیم وزارت د مقام له لوري هغو کسانو، چې لوړې نمرې یې ترلاسه کړې وې نغدې پیسې یې ورته ډالۍ کړې او ویې ستایل.
