د څلور سیمو د مرمر او فلورایټ کانونو داوطلبي ترسره شوه
د ارزګان، کندهار او میدان وردګ ولایتونو د فلورایټ، مرمر کانونو داوطلبي د وزارت د غونډو په تالار کې د یوې رڼې پروسې په ترڅ کې ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور له لوري د ارزګان ولایت د مرکز د کاغه جرکوه باخود فلورایټ، د کندهار ولایت د شاولي کوټ ولسوالۍ د دره نور سیمې مرمر، د میدان وردګ ولایت د نرخ ولسوالۍ د شاه کابل خورد سیمې مرمر، د میدان وردګ ولایت د سیدآباد ولسوالۍ د تنګي بابوخېل سیمې مرمر، چې مخکې یې اعلان ته سپارلي ول د ټاکلي پلاوي، رسنیو استازو او هغو شرکتونو چې د پروپوزلونو په ارزونې کې یې د داوطلبۍ شرایط پورکړي ول داوطلبي ترسره کړه.
په یاده داوطلبي کې د ساروان “حلیمي” شرکت د فلورایټ یو ټن د 15000 افغانیو په قېمت سره، د احمد وکیل “ضیايي” شرکت د کندهار ولایت د مرمرو یو ټن د 600 افغانیو په قېمت سره، د محمد رحیم “حسین خېل” شرکت د میدان وردګ ولایت د نرخ ولسوالۍ د مرمر یوټن د 400 افغانیو په قېمت، د هدایت الله “ارګون وال” شرکت د میدان وردګ ولایت د سید آباد ولسوالۍ د مرمر یو ټن د 400 افغانیو په قېمت سره ګټونکي اعلان کړل.
