د میدان وردک ولایت د مرمري ډبرو په تولیداتو کې ۵۷ سلنه زیاتوالی
د میدان وردک کانونو ریاست د سږ کال د مرمري ډبرو په تولیداتو کې د ۵۷ سلنه زیاتوالي خبر ورکوي.
د میدان وردک ولایت د کانونو ریاست رئیس فضل الباري بلوچ، د دې ولایت د مرمري ډبرو تولیدات په ۱۳۹۸ کال کې ۴۶۴۲۱ ټنه یاد کړي او داسې یې زیاته کړي، « سږ کال کې د مرمرو ډبرو په تولیداتو کې د تیر کال په نسبت ۱۶۸۸۳ ټنه زیاتوالی راغلی».
د ښاغلي بلوچ په وینا، یاد تولیدات د دې ولایت د څلورو کاني سیمو چې د سیدآباد او بهسود ولسوالۍ د اولې حصه اړوند وبلل او داسې یې وو ویل، « د میدان وردک مرمري ډبرې تر 1879 مټرو مربع پورې د اذربایجان پلازمینې باکو ته د پنځو کانټینرونو په وسیله د خصوصي شرکتونو لخوا صادر شوي او د دوهم ځل لپاره به ۳۴۲۱ مټره مربع مرمري ډبرې به د لسو کانټینرونو په ذریعه یاد هېواد ته ولیږدول شي».
میدان وردک ولایت د مرمري ډبرو ۱۳ سیمې او ظواهر لري، چې له یادې جملې څخه څلور فعال استخراجي قراردادونه یې د خصوصي شرکتونو سره په قانوني ډول تر کار لاندې دي.
#میدانوردک #کانونواوپټرولیموزارت #MoMP
