د مرکز له رئیسانو او د پورونو کمېټې له غړو سره د کانونو او پټرولیم وزارت سرپرست ناسته
د کانونو او پټرولیم وزارت سرپرست شیخ الحدیث شهاب الدین دلاور نن د وزارت د مرکز له رئیسانو او د پورونو کمېټې له غړو سره په کتنه کې د یادې کمېټې راپورنه واورېدل. او همدارنګه د مالګې، د قیمتي او نیمه قیمتي ډبرو، د بي بي ګوهر د سرب او جست، د کندهار زاهدان او د بامیان ولایت د ګنده کوتل د پورونو په اړه بحث او خپل نظرونه سره شریک کړل.
د کانونو او پټرولیم وزارت سرپرست په پای کې د رئیسانو او د کمېټې غړو وړاندیزونه او نظرونه واورېدل او د کاري پروسې د چټکوالي او د ښه مدیریت په اړه مسؤولینو ته لازمې لارښوونې وکړې.
