د سرپل ولایت قشقري او انګوت ساحو د خام نفتو پلور داوطلبي
د کانونو او پټرولیم وزارت سرپرست شیخ الحدیث شهاب الدین د سرپل ولایت قشقري ساحې ۱۰ زره او د انګوت ساحې ۵ زره خام نفتو داوطلبي نن یکشنبه د ۲۱/۳/۱۴۰۲ نېټې تر سره کړه.
د کانونو او پټرولیم وزارت سرپرست شیخ الحدیث شهاب الدین دلاور د یادو ساحو خام نفتو د داوطلبۍ پروسه چې مخکې اعلان ته سپارلې وه. نن یې د پلان او پالیسي، مالي او اداري او تخنیکي مرستیالانو، د افچین کمپنۍ او نفت او ګازو رئیسانو، موظف هیئت او څلورو شرکتونو په شمول چې د پروپوزلونو په ارزونه کې یې د داوطلبۍ شرایط پوره کړي وو د داوطلبۍ پروسه یې په شفافه توګه تر سره کړه.
په دې داوطلبۍ کې د فارت نوبل انرژي شرکت د سرپل ولایت د قشقري ساحې ۱۰ زره خام نفت في ټن په 466.2 آمریکايي ډالرو او د دورجي آئیل شرکت د انګوت ساحې د ۵ زره خام نفت في ټن 370 آمریکايي ډالرو ګټونکي اعلان کړل.
