د حرفه‌ای او خپل‌سرو کیندونکو سیمو د رسمي کولو استراتژي پلي کول

firoz_admin
پنجشنبه ۱۳۹۸/۱۲/۲۲ - ۱۰:۲۰
qqq

د حرفه‌ای او خپلسرو کیندونو سیمو د رسمي کولو استراتژي د پلي کولو په اړه یو ورځنی ورکشاپ د کانونو او پترولیم وزارت د کنفرانسونو په تالار کې ترسره شو. پدې ورکشاپ کې د کانونو او پترولیم وزارت د پالیسي او پروګرامونو مرستیال ښاغلي وليالله ځدراڼ سربیره مرکزي او ولایتي رئیسانو او د وزارت تخنیکي کارکوونکو ګډون کړی وو.

 

د پلان، څارنې او ارزونې، کانونو د ساتنې، کادستر، منرالونو اکتشاف او لنډمهالې تخنیکي کمېټې په نوبت د یادې استراتژي د پلي کولو په اړه معلومات وړاندې کړل. همداراز، د جیولوژیکي معلوماتو د راټولولو د فارمټ تشریح او د ذیدخلو ادارو موافقه ترلاسه کولو، له دویمي واحدونو سره د سروېجیولوژي ډلو د همغږي، د پلان لارښود او د جواز اخیستلو لپاره د خپلسرو کان کیندنو د ژمنو ترلاسه کولو په اړه هم ګډون کوونکو ته معلومات وړاندې شول.

 

په یادو موضوعاتو له خبرو اترو وروسته، ګډون کوونکو د کانونو له ریاستونو سره د ولایتي چارواکو د همکاری، امنیتي او نورو ستونزو په اړه وړاندیزونه وکړل چې د پالیسي او پروګرامونو د مرستیال له لوري لازمې لارښونې ورکړل شوې. هغه د استراتژي د پلي کولو په اړه په ولایتونو کې د عامه پوهاوي پروګرامونو په جوړولو ټینګار وکړ.

 

د ورکشاپ په پای کې د وزارت مرستیال د خپلسرو او غیر قانوني فعالیتونو د مخنیوي په اړه د وزارت د رهبري ژمنه بیا تازه کړه او ویې ویل: دا استراتژي د خپلسرو او مسلکي کیندنو سیمو د مخنیوي په موخه عملي قدمونه دي. هغه پدې اړه د وزارت د رهبري د ملاتړ ډاډ ورکړ.

 

د مسلکي او خپلسرو کیندنو سیمو د رسمي کولو استراتژي د غیرقانوني کیندنو مخنیوي ته لاره هواروي او په یوه کال کې د یادو ساحو د رسمي کولو څرنګوالی په ډاګه کوي.

تازه خبرونه

چهارشنبه ۱۳۹۹/۴/۱۱ - ۷:۴۲
Background image

جمهوررئیس غني: «د کانونو په سکتور کې دې د اقتصادي تحرک په ایجادولو سره کارموندنې او د عوایدو ډېرښت ته زمینه مساعده شي»

د افغانستان د اسلامي جمهوریت جمهوررئیس محمد اشرف غني پرون ماښام د ویډیوکنفرانس له لارې د کانونو او پټرولیم وزارت سرپرست محمد هارون چخانسوري، د جمهوري ریاست عالي مقام ستر سلاکار کبیر. . .

چهارشنبه ۱۳۹۹/۴/۱۱ - ۷:۳۸
Background image

د کانونو او پټرولیم وزارت سرپرست وزیر، محمد هارون چخانسوري د ننګرهار د تالک اتحادیې له غړو سره په کتنه

د کانونو او پټرولیم وزارت سرپرست وزیر، محمد هارون چخانسوري د ننګرهار د تالک اتحادیې له غړو سره په کتنه کې د دوی ستونزې او وړاندیزونه واورېدل.
د غونډې په لړکې د وزارت سرپرست‌وزیر د. . .

چهارشنبه ۱۳۹۹/۴/۱۱ - ۷:۳۳
Background image

دافغان ګاز د تطبيقي پروژې د وضعيت غونډه

د کانونو او پټرولیم وزارت سرپرست وزير محمد هارون چخانسوري دافغان ګاز د تطبيقي پروژې د وضعيت غونډه کې اړوندو مسئولينو ته هدايت ورکړه ترڅو دپروژې په وخت عملي کولو او دبودجې​ مؤثره استفادې. . .

بېرته خبرونه ته