د جګدلک یاقوتو کان آفرګشایي غونډه ترسره شوه

د جګدلک یاقوتو کان آفر ګشايي، چې مخکې د داوطلبۍ اعلان ته سپارل شوې وه، نن ورځ  یې د کانونو او پټرولیم وزارت سرپرست شیخ الحدیث شهاب الدین دلاور په مشرۍ، چې پکې د پلان او پالیسي مرستیال شیخ ضیاءالرحمن الاریوبي، رئیسانو، د رسنیو استازو، په شرایطو برابر داوطلبوشرکتونو په شتون کې، د یوې رڼې پروسې په ترڅ کې آفرګشایي ترسره شوه.
د کانونو او پټرولیم وزارت سرپرست ګډنوالو ته د ښه راغلاست ترڅنګ د یاد کان د مساحت، اکتشاف د استخراج او پروسس په اړه خبرې وکړې.
د ټاکلې کمېټې له لوري د پروپوزلونو له ارزونې وروسته به یې پایلې اعلان شي.
د وزارت سرپرست همدارنګه د پنجشېر د زمردو په اړه رسنیو ته معلومات ورکړل ویې ویل: چې په یاد ولایت کې 1500 د زمردو کانونه تثبیت شوي، چې 400 تنو ته د کان کیندنې جوازونه ورکول شوي او 10000 زره کسان په مستقیم ډول د یاد ولایت په کانونو کې په کار بوخت دي، او همدا راز په اوو داوطلبیو کې د 20 زره قیراط زمرد د دوه میلیونو امریکايي ډالرو په ارزښت وپلورل شول خبرې وکړې او زیاته یې کړه: هڅه کوه چې د زمردو دپلور لپاره په انلاین توګه داوطلبي ترسره کړو، چې کورني او بهرني سوداګر هم پکې ګډون وکړي.