دکانونو او پټروليم وزارت سرپرست محمد هارون چخانسوري د وزارت د معینانو په ګډون د رهبرۍ په غونډه کې د عوایدو د تنظیم د ریاست له غړو سره د پوروړو شرکتونو د مقروضیت په اړه جدي بحث درلود.
دکانونو او پټروليم وزارت سرپرست محمد هارون چخانسوري د وزارت د معینانو په ګډون د رهبرۍ په غونډه کې د عوایدو د تنظیم د ریاست له غړو سره د پوروړو شرکتونو د مقروضیت په اړه جدي بحث درلود. په ټول کې ۱۷ شرکتونه د کانونو او پټرولیم وزارت څخه د ۱۳۹۲ او ۱۳۹۴ کال راهیسې پوروړي دي او د پورونو مقدار ۷۷۳،۳۴۸،۱۷۵ (اووه سوه او درې اویا میلیون، درې سوه او اته څلوېښت زره او یو سل او پنځه اویا افغانۍ) دی.
په غونډه کې پرېکړه وشوه چې پوروړو شرکتونو ته دې د پورونو د تادیې په هکله جدي توصیه ورکړل شي او د خلاف په صورت کې دې جدي قانوني برخورد ورسره وشي.
