برقي انرژی پرمختګ له طبعی ګاز (بیات پاور) څخه
برقي انرژی تولید دستګاه د جوزجان ولایت د شبرغان ښار په یتیم تاق سیمه کې موقیعیت لري چې د دې ښار د طبعي ګاز څخه د ۴۲ میګا واټه په اندازه برق تولیدوي، نوموړي پروژه د خصوصي سکتور د پانګې اچونی له لارې ګټې اخېستنی ته ورکړل شوي.
د دې پروژې قرار داد له بیات پاور شرکت سره د ۵ کالو لپاره تړل شوی، چې ددې قرار داد له مخې به بیات پاور له طبعي ګاز څخه برق تولید وي، ضرورتي ګاز به د افغان تصدی دولتی ګاز له پلوه تأمین او له هغه څخه تولید شوی برق به په برشنا شرکت باندې خرڅوي.
پدې پروژه کې د کانونو او پټرولیم وزارت عمده مسئولیتونه:
- قرارداد تراخره پورې د ضرورت له مخې ګاز تأمینول د برق د تولید پخاطر
- د یتیم تاق ګازلرونکو ساحو پراخوالۍ، د څاه ګانو کېندل، ګاز پروسس او تصفیه
- نیازمندانو ته د ضرورت په اندازه د برق ورکړه
کانونو او پټرولیم وزارت په سلو کې ۷۰٪ څخه زیات عمده مسئولیتونه د پروژې د وظایفو د تقسیم له مخې په کار اچولي. د یادونې وړ ده ، چې د پروژې د مشکلاتو د حل پخاطر یې تخنیکي ټیمونه جوړ کړي ترڅو د اونییو په جریان کې ورسره ګډې ناستې ولري، چې مدیریت یې د همدې وزارت تر څارنې لاندې کیږي. د نوموړي پروژې ټولې چارې به په نږدې راتلونکي کې ډیر ژر تکمیل او ګټې اخېستنی ته وسپارل شي.
