بامیانو ولایت ته د کانونو او پټرولیم وزارت سرپرست سفر

 د کانونو او پټرولیم وزارت سرپرست شیخ الحدیث شهاب الدین دلاوراو مل پلاوي د سه شنبې ورځ د 13/4/1402 نېټې په یو رسمي سفر بامیانو ولایت ته ولاړ.
د کانونو او پټرولیم وزارت سرپرست بامیانو ولایت ته په خپل سفر کې د یاد ولایت له والي مولوي عبدالله سرحدي او یو شمېر سیمه یزو مسوولینو سره وکتل، او د بېلابېلو موضوعات تر څنګه یې د یاد ولایت په طبیعي زېرمو او له هغو څخه د ښې ګټې اخیستنې، د کانونو د خپل سري او غیرقانوني کېندنې او قاچاق مخنیوی په اړه خبرې وکړې. 
همدارنګه د کانونو او پټرولیم وزارت سرپرست د یوې ګډې کمېټې د جوړېدو خبره وکړه چې پکې 9 ارګانونه امنیه قومندانۍ، استخبارت، د کانونو ریاست، مالیه، اقتصاد، هستوي انرژي، کرنه، چاپیریال ساتنې، سوداګرۍ او صنعت ریاستونه شامل دي معلومات وړاندې کړل او ویې ویل: دغه کمېټه د کانونو د خرابوالي، قاچاق مخنیوي او د استخراج پروسې د چټکوالي په موخه جوړه شوې او له سیمه ایزو ارګانونو څخه یې له یادې کمیټې سره د همکارۍ غوښتنه وکړه.