کانونو او پټرولیم وزارت په صنایع استخراجي سکټور کې د ټولنیز مشارکت د امانتدارۍ په تړاو ګردی میز جوړ کړ
په صنایع استخراجي سکټور کې د ټولنیز مشارکت په اړه د امانتدارۍ ګردی میز د کانونو او پټرولیم وزارت مسؤولینو، د افغانستان روڼتیا څارونکو، GIZ بنسټ مسؤولینو او د مدني فعالینو په ګډون د دې وزات د کنفرانسونو په تالار کې جوړ شو.
نوموړي برنامه د افغانستان د روڼتیا څارونکي ادارې اجرائیوي رئیس ښاغلي سید اکرام افضلي په وینا پیل شوه. نوموړي د خپلو خبرو په ترڅ کې د برنامې د برابرولو څخه د مننې ترڅنګ یادونه وکړه چې د صنایع استخراجي سکټور د پرمختګ او ارتقا لپاره به هڅې وکړي؛ ترڅو پدې سکټور کې د خلکو ګډون لا زیات شي.
ښاغلي افضلي په دې برخه کې د حکومت، خلکو او د مدني فعالینو رول اغیزناک وباله او زیاته یې کړه چې د قرارداد په صورت کې به دولت او اړوند شرکت له خلکو سره سلامشورې کوي؛ ترڅو یې غوښتنې پوره کړي. د کار له شروع واړندې به شرکت د خلکو سره په اړیکه کې وي؛ ترڅو د ستونزو مخه یې نیول شوي وي. د ځایې خلکو، مدنې فعالینو، دولت او شرکت ترمینځ باید کلکه اړیکه موجوده وي؛ ترڅو د دوامدارې څارنې او فساد د مخنیوي سبب شي.
له هغه وروسته، د افغانستان د روڼتیا څارونکي ادارې د برنامو مسؤول ښاغلي احمدالله موج په صنایع استخراجي سکټور کې د خلکو د ورل د پلی کیدو په اړه طرحې وړاندې کړې.
د برنامې په بل اړخ کې، د کانونو او پټرولیم وزارت د حقوقي چارو رییسې میرمن فاطمې مورچل د کان قانون په رڼا او په کاني فعالیتونو کې د ځایی ټولنو د رول په اړه خبرې وکړې، او د کان کېندنې په پروسه کې د ځایی ټولنو ښکیلتیا روښانه کړه، کوم چې د کان په سکټور کې یوه مهمه مسأله ده.
له هغې وروسته، د آلمان نړیوالې همکارې ادارې (GIZ)نماینده ښاغلي امان سلطاني خبرې وکړې او د خپلو خبرو په ترڅ کې یې، د ذکر شوي موضوع په اړه د (GIZ) بنسټ فعالیتونه په لنډ ډول روښانه کړل.
همدارنګه د افغانستان په صنایع استخراجي سکټور کې د روڼتیا نوښت(AEITI) مسؤول ښاغلي حشمت الله سیاس په خپل وار سره وینا وکړه او زیاته یې کړه چې، د دې ناستې اصلي موخه په صنایع استخراجي سکټور کې د روڼتیا منځ ته راوړل دي.
او له هغه وروسته، د افغانستان د کانونو دنظارت نماینده ښاغلي علي فرهنګ هم خبرې وکړې او په خپله وینا کې یې په صنایع استخراجي سکټور کې د خلکو ونډه مهمه یاده کړه.
په پای کې، ذکر شوي برنامه د موضوع اړونده پوښتنو، پیشنهاداتو او نظرونو په وړاندې کولو پای وموند.
#روڼتیا_څارونکي #کانونو_او_پټرولیم_وزارت#MoMP
