کانونو او پټرولیم وزارت ته د نوي ځای ناستي وزیر د پيژندګلوۍ مراسم ترسره شول
کانونو او پټرولیم وزارت ته د نوي ځای ناستي وزیر مراسم په داسې حال کې ترسره شول چې د دې وزارت پخواني وزیر، د کانونو اوپټرولیم وزارت، د کورنیو او بهرنیو وزارتونو مرستیالانو، د سوداګرۍ او پانګونې اتاق لومړي مرستیال، په ولسي جرګه کې د خلکو استازو، رئیسانو، مشاورینو او د کانونو وزارت کارکونکو ګډون کړی ؤ.
د پروګرام په پیل کې د کانونو او پټرولیم وزارت د پالیسیو او برنامو مرستیال ښاغلي ولي الله ځدراڼ راغلو ګډونوالو ته د ښه راغلاست ویلو ترڅنګ، د وزارت په مشرۍ د دې وزارت پخواني وزیر څخه د ترسره کړو کارونو او هلو ځلو څخه مننه وکړه.
له هغې وروسته د کانونو او پټرولیم وزارت پخواني وزیر خبرې پیل او د خپلو خبرو په ترڅ کې یې د کانونو په سکټور کې د لا ودې، روڼتیا، د غوره اصلاحاتو او مسؤولیتونو د ترسره کولو څخه یادونه وکړه، او له دندې څخه د استعفاء موضوع یې خپل خصوصي مشکلات یاد کړل.
ورپسې د کانونو او پټرولیم وزارت نوي ځای ناستي وزیر او د دې وزارت تخنیکي مرستیال ښاغلي عنایت الله مومند وینا وکړه، چې د خپلې وینا په ترڅ کې یې د کانونو او پټرولیم وزارت پخواني وزیر له کړنو څخه د مننې ترڅنګ، د حکومت له دې پریکړې چې په ده باندې یې د کانونو سکټور رهبري (وزارت) چارې سپارلي، قدرداني وکړه. نوموړي د سکټور او کاري شرایطو د لا ښه کولو لپاره خپله ژمنه تازه او داسې یې وو ویل، <<خوښ یم چې د اتو کالو راهیسې د کانونو او پټرولیم وزارت د رهبري ټیم غړۍ یم، د دې سکټور او ټیم څخه کاملا خبر لرم؛ د صنایع استخراجي سکټور د افغانستان یو له مهمو اقتصادي سکټور په حیث لومړیتوب لري؛ ترڅو د نقشې لارې پلې کړي.>>
د مراسمو په ترڅ کې مراسمو ته راغلو میلمانو هر یو د افغانستان د ښځو شبکې غړي اغلی پلوشه حسن زاده او د سوداګرۍ او پانګونې لومړي مرستیال ښاغلي محمد یونس مهمند په خپل وار سره د پخواني وزیر اغلی نهان څخه د دي د ترسره فعالیتونو او کړنو څخه قدرداني وکړه او نوي ځای ناستي وزیر ښاغلي مومند ته یې د مبارکۍ ترڅنګ په ورسپارل شوي دنده کې د لا بریاوو هیلې څرګندې کړې.
په پای کې، برنامه د کانونو په سکټور کې د کاري سیسټم د ښه والي او وزارت مقام دفتر ته د نوي ځای ناستي وزیر د پیژندګلوۍ په ترسره کیدو پای وموند.
