د کانونو او پټرولیم وزارت سرپرست د بدخشان ولایت له مشرانو سره وکتل
د کانونو او پټرولیم وزارت سرپرست الحاج ملا هدایت الله بدري د شنبې په ورځ (۱۰/۸/۱۴۰۳) نېټې د بدخشان ولایت د شهر بزرګ ولسوالۍ له مشرانو او مخورو سره په خپل کاري دفتر کې وکتل.
په دې غونډه کې د يادې ولسوالۍ مشرانو او مخورو د کانونو او پټروليم وزارت د مشرتابه د کړنو ستاينه وکړه، د زر شويي، د سيمې خلکو ته د کاري فرصتونو رامنځته کول او په دغه ولايت کې د کانونو د تړونونو په لاسليکولو کې ځايي خلکو ته لومړيتوب ورکولو په اړه یې خبرې وکړې او دیاد ولایت د کاني زېرمو د مدیریت په برخه کې خپل نظریات او وړاندیزونه وړاندې کړل او د خلکو یو شمېر ستونزې یې هم ورسره شریکې کړې.
د کانونو او پټرولیم وزارت سرپرست دوی ته ډاډ ورکړ، چې د یادې ولسوالۍ د خلکو ستونزو ته به د شته امکاناتو او د کانونو د قانون او کړنلارې مطابق رسېدنه وشي.
