د کانونو او پټرولیم وزارت د منرالونو د تنظیم او کاډسټر ریاست ته نوی رئیس معرفي شو
د کانونو او پټرولیم وزارت د وړاندیز او د ریاست الوزرا د حکم په اساس ښاغلی عبدالرحمن رحماني د 1403/8/13 نېټې د منرالونو د تنظیم او کاډسټر ریاست ته د نوي رئیس په توګه د وزارت د سترسلاکار انجنیر وحیدالله حلیمي، د مقام د دفتر عمومي رئیس الحاج معراج محمد معراج او د بشري سرچینو رئیس له لوري د یاد ریاست کارکوونکو ته ور و پېژندل شو.
د کانونو او پټرولیم وزارت ستر سلاکار د منرالونو د تنظیم او کاډسټر عمومي رئیس د معرفي کولو پر مهال د نوموړي د شخصیت په اړه معلومات ورکړل او په چارو کې یې ورته د الله (ج) له درباره څخه د بریالیتوب هیله وکړه.
په پای کې ښاغلي رحماني د کانونو او پټرولیم وزارت د مشرتابه له باور څخه مننه وکړه او ژمنه یې وکړه، چې په خپلو چارو کې به له فساد سره مبارزه او ښه مدیریت په برخه کې له هیڅ راز هڅو څخه ډډه ونه کړي.
