د خوست ولایت د کانونو ساتنې او څارنې کمېټې غونډه ترسره شوه
د کانونو ساتنې او څارنې کمېټې غونډه د خوست کانونو رئیس الحاج مولوي صادق جان ( حمزه) په مشرۍ د بېلابېلو ریاستونو استازو او د کمېټې غړو په ګډون ترسره شوه.
غونډه د قرآنکریم د څو مبارکو آیاتونو په تلاوت سره پیل شوه، ورپسې د کانونو رئیس د کانونو ساتنې، څارنې او د غیر قانوني استخراج د مخنیوي په اړه خبرې وکړې ویې ویل: زموږ موخه د کانونو د ساتنې، مدیریت او د غیر قانوني استخراج مخنیوی دی او د خوښۍ ځای دی چې په خوست ولایت کې د کانونو د قاچاق مخنیوی شوی دی او هیچا ته ددې اجازه نه ورکوو، چې کانونه په خپل سر استخراج کړي.
په پای کې د کمېټې غړو د یاد ولایت د کانونو ساتنې، څارنې په موخه خپل نظریات، وړاندیزونه او حل لارې شریکې کړې او د لازمو همکاریو ژمنه یې وکړه.
