د کانونو د ولایتي انجنیرانو لپاره د روزنیز پروګرام پیل کېدل
د (GIS او Remote Sensing) په نوم آنلاین روزنیز پروګرام د GIS ریاست له خوا د بشري سرچینو ریاست په همکارۍ د درې ورځو لپاره په ۳۴ ولایتونو کې د کانونو د انجنیرانو د پوهاوي د کچې لوړولو په موخه 7/5/1403 نېټه پیل شو.
د بشري سرچینو رئیس ښاغلي مولوي احمدضیاء خاکسار ګډونوالو ته د ښه راغلاست ترڅنګ وویل: دا پروګرام مستقیما د هغو کارونو سره تړاو لري چې موږ یې هره ورځ ترسره کوو او موږ باید له دې څخه ډېره ګټه پورته کړو ترڅو خپل کار په ښه توګه ترسره کړو.
ورپسې د GIS رئیس ښاغلي انجنیر فیاض د روزنیز پروګرام په اړه هر اړخیز معلومات وړاندې کړل او دا یې په ولایتونو کې د کانونو د انجنیرانو د ظرفیت د لوړولو په برخه کې یو مهم ګام وباله.
دا پروګرام د GIS د یو تن متخصص له لوري د پرزنټیشن له لارې وړاندې شو او ټاکل شوې چې درې ورځې به دوام وکړي.
